एकटेपण

एकटेपण एका वेळेनंतर,

तुम्हाला एकटे वाटू देत नाही,

निसर्गाच्या कुशीत तुम्ही विसावता,

तिथे सगळं जग शांततेत हरवून जातं.

चांदण्यांच्या सोबतीने तुम्ही फिरता,

त्यांच्या चमकण्यात एक वेगळं तेज असतं,

रात्रभर संवाद साधतात, शब्द नसले तरी,

हृदयाच्या तारा छेडतात, एक शब्दही नसताना.

वाऱ्याच्या स्पर्शाने तुम्हाला उचलून नेतो,

तुमच्या मनातलं सगळं ओझं दूर होतं,

एकटेपणाची भावना विसरून जातात,

त्याच्या गारव्याने, जणू नवचैतन्य मिळतं.

पक्ष्यांच्या गाण्यांमध्ये तुम्ही हरवता,

तुमच्या एकटेपणाची कहाणी तेच सांगतात,

जगाच्या गर्दीतून तुम्हाला ओढून नेतात,

आणि एकटेपणाचे दुःख तेच हरवून टाकतात.

तुम्ही एकटे नाही, कधीही नाही,

निसर्गाचा प्रत्येक अंश तुमच्यासोबत असतो,

त्या आनंदात तुम्ही हरवून जाता,

आणि एकटेपणाला दूर सारून, नवीन सुरुवात करता.

**रविंद्र पांडुरंग बनसोडे**

*अंबड*

प्रेमाच्याभूता